د جاهلیت د زمانې ځانګړنې

«د دعا پر مهال به یې نېکان له الله سره شریکول، او غوښتل به یې چې هغوی د دوی شفاعت وکړي.»

«دوی سره وېشل شوي او تیت پرک وو.»

«د مشر مخالفت کول یې د یوه غوره صفت په توګه ګڼل.»

«د اکثریت له امله به دوکه کېدل او ګومان به یې کاوه چې د خلکو ډېروالی د یوه شي د سم‌والي دلیل دی.»

«دوی به ګومان کاوه چې بېوزله او کمزوري خلک د ناسمې لارې پیروي کوي.»

«دوی به ګومان کاوه چې شتمن او زورور خلک د سمې لارې پیروي کوي.»

«دوی به د ناسم قیاس له لارې دلیلونه وړاندې کول.»

«دین به یې د لوبو او ساعتېرۍ په توګه نیولی و.»

«د الله کتاب به یې په پوهه او قصداً تحریفوه.»

«که حق به له هغو خلکو سره و چې دوی نه غوښتل حق ورسره وي، نو حق به یې رداوه.»

«دوی د دروغجنو هیلو، بې‌ځایه تمو او باطلو آرزوګانو خوی درلود.»

«د خپلو پیغمبرانو قبرونه یې جوماتونه ګرځولي وو.»

«د قبرونو شاوخوا به یې څراغونه بلول.»

«د ستورو په وسیله به یې د باران غوښتنه کوله.»

«د نورو خلکو په نسب او کورنۍ به یې پېغورونه ورکول.»

«بېوزله خلک به یې سپک ګڼل.»